Talıstan Forest Park

Əfsuslar olsun ki, 2 ildir sevə sevə ziyarət etdiyimiz və bacardığımız qədər dost-tanışa məsləhət gördüyümüz, sosial şəbəkələrdə barəsində təriflər yazdığımız bu gözəl məkanın da milli adət ənənəyə uyğun olaraq bacarıqsız idarə-etmə nəticəsində xidmət səviyyəsi çox aşağı düşdü.
Xidmət çox aşağı səviyyədədir və təəssüflər olsun ki, şikayətləri bildirdiyiniz zaman oteli təmsil edən şəxslər nə bu şikayətləri qəbul və həll etmək üçün lazımi bilik və bacarığa sahibdirlər, nə də ki, bunu etməkdə maraqlı deyillər.
Konkret olaraq rastlaşdığımız mənfi hallar:
1 — Noyabr ayında 3 kotteci əvvəlcədən rezerv etməyimizə baxmayaraq otelə çatdığımızda bilindi ki, rezervi qəbul edən şəxs bunu qeyd etməyi unudub və qalmağımız üçün boş yer yoxdur. Bakıdan 3 ailə gəlmişdik və cavab olaraq sadəcə “bağışlayın” sözünü eşitdik.
2 — bu haldan sonra sevdiyimiz məkana 2-ci şans verməyə qərara gəldik, lakin yanıldıq. Yeni il tətili üçün gəldiyimizdə kottecə yalnız saat 15:30-da daxil ola bildik. 2 saat boyunca otağın təmizlənməsini gözləyirdik, hər dəfəsində də “5-10 dəqiqəyə hazır olar” cavabını alırdıq.
3 — əlavə qonaq üçün yataq dəstini gün ərzində 4-5 dəfə istədikdən sonra nəhayət gecə saat 10-da ala bildik.
4 — səhər yeməyində oteldən kənar gələn tur qonaqları üçün də süfrə açıldığına görə çay qıtlığı yaşandı, çay çox gec gəldi və adama 1 stəkandan çox verilmirdi.
Yaxşı olardı ki, otel sahibləri bu mənfi hala fikir verib təcili tədbirlər görərdilər.

Super yerdi həqiqətən Azərbaycanin gözəl gəzməli yerləri çoxdu.

Əla yerdi, işçiləri də çox yaxşıdırlar.